家鄉蓮藕餅

整家鄉蓮藕餅，

我鐘意撈埋豬肉和魚肉一齊攪，

咁食落個蓮藕餅會較彈牙架!

材料: 蓮藕1大節、豬肉碎$15、魚肉$15、冬菇8隻、雞蛋1隻和蔥粒

調味: 豉油1.5湯匙、鹽半茶匙、糖1茶匙、粟粉2茶匙、

麻油少許、胡椒粉少許

做法: 冬菇浸軟後切粒；蓮藕去皮刨絲後，略略壓出多餘的蓮藕汁；

準備一個大碗，加入蓮藕絲、豬肉碎、魚肉、冬菇、雞蛋和調味攪勻後，

撻肉餡十數次後，放入雪櫃雪1小時左右；取出蓮藕餡，加入蔥粒拌勻；

燒熱易潔鑊落油，將蓮藕餡用手搓成圓形壓平，

用中火慢慢煎一面金黃色後，先反轉煎另一面，

其間需要不時反轉兩面，直至肉熟便成。

(我會用筷子或鑊鏟輕壓一壓，見蓮藕餅較硬身便熟，仲淋身即未熟透)

~用少少水沾濕手心，咁搓餡料時就唔會黐手；

~記得食前先好撈蔥粒，因為撈咗蔥粒會出水；

~蓮藕汁太多會影響蓮藕餅嘅質感，不過亦唔好過量渣壓，

咁個藕餅會好乾身；

~可以的話，攪肉時撻佢幾下，個蓮藕餅更彈牙架!

~今次用咗一半份量已經整咗10個蓮藕餅!

~材料方面，可以表個人喜好加入蝦米，食落更惹味呀!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page