冬菇豆腐火腩煲

有舊燒肉係屋企，

本來想買舊冬瓜嚟炆，

點知搵勻成個街市都唔見有冬瓜買，

多口問下菜檔先知原來冬瓜來貨價好貴($14蚊斤)，

仲貴過菜，

所以唔攞嚟買喎!

冇冬瓜食，

食豆腐都得啦!

材料: 燒肉、硬豆腐1盒、冬菇6隻、乾支竹1條半、蒜蓉、乾蔥絲、紹酒

調味: 蠔油1湯匙、豉油半湯匙、老抽半湯匙、鹽少許、糖1茶匙、粟粉1茶匙

做法: 倒出硬豆腐用廚紙印乾水份切件；冬菇浸軟後切半；乾支竹浸軟；

燒熱易潔鑊加少許油，放入豆腐煎至兩面金黃色後上碟；

原鑊加入燒肉煎至兩面金黃色後上碟備用；

凍鍋落油加入蒜蓉、乾蔥絲和燒肉先爆香，加入冬菇快炒後贊紹酒，

加入調味和1碗水先炆15~20分鐘，之後落支竹和豆腐炆多5分鐘，

直至汁濃便成。

~燒肉有咸味，所以記得要先試味先好落鹽呀!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page