今日下午要去博愛醫院見營養師，
聽講座和見營養師後，
希望我可以將依家嘅食量要再減半，
即係話~我唔到80歲都唔會有飽飯食呀!
(老公事後加咗句~唔係我講架，醫生話架咋!)
未見營養師之前炒定個飯做午餐，
噢，
真係要好好食真D午餐肉嘅味道，
因為呢個午餐肉屬於唔健康食品，
應該短時期唔會再食囉!
材料: 冷飯3碗、午餐肉1罐(小)、雞蛋2隻、生菜1/4個、薑蓉
做法: 冷飯放入微波爐加熱後備用；午餐肉切粒；
雞蛋加少許鹽打發好；生菜切絲；
燒熱鑊加少許油，落雞蛋快手炒勻至半熟後上碟；
原鑊落午餐肉粒煎香兩面，加入薑蓉快炒，
落冷飯快手炒散至粒粒分明，加雞蛋炒至飯粒乾身後，
最後生菜絲和少許鹽調味，炒多十數下上碟便成。
~可按個人口味加入蔥粒都可以啊!
午餐肉又唔係乜好嘢，唔食就算啦，身體健康緊要。
回覆刪除係呀，不過冇食好耐，心思思想食呀!
刪除一下子點減喎
回覆刪除慢慢嚟囉，係屋企食嘅話咪食少D，出街就會用正常食量喇!
刪除雖然講身體健康緊要, 我自己時時諗減肥好像冇人生樂趣, 越諗減肥越想食多啲，唉。
回覆刪除咪係囉，見到好嘢冇得食，好慘架!
刪除雖然午餐肉唔係屬於健康食品,但久唔久食都唔會有問題既,不過始終健康最緊要
回覆刪除食少少唔怕掛!
刪除陰功咯！好味野點忍得口架，不過為咗健康，聽話啦！
回覆刪除身體健康最重要啊!
刪除啊~ ~ 我到而家都未去驗身，唔緊去面對
回覆刪除要做架啦!身體健康最重要呀!
刪除