上星期食大閘蟹果日飲剩咗半支紅酒，
老公話不如用嚟煮餸，
好簡單啦!
買牛肋條返嚟，
整鮮茄紅酒燉牛肋條，
配飯或配意粉都咁正呀!
材料: 牛肋條1.5磅、蕃茄3個、洋蔥1個、甘荀1條、蒜蓉、
麵粉適量、黑胡椒碎
調味: 紅酒約半支、黑椒碎、香葉3片、冰糖粒適量
做法: 牛肋條解凍後，用廚紙索乾水份切大件，
落少許鹽和黑椒碎醃30分鐘；
蕃茄去皮切粒；洋蔥去皮切碎；甘筍去皮滾刀切件；
加麵粉少許與牛肋條撈勻後，
落牛油略煎牛肋條至兩面微微焦香後上碟；
原鑊落蒜蓉、蕃茄、洋蔥和甘筍粒炒勻，
加牛肋條、調味和1碗水煮滾後，轉小火慢慢燉煮1小時熄火，
唔好開蓋繼續焗下佢，臨食前再翻滾15分鐘左右，
最後按個人口味落鹽調味便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!