上次出街食麻辣香鍋，
雖然又咸又油又辣，
但我哋都食得好滋味呀!
今日我就自己整番個，
少油少咸和少辣版嘅麻辣香鍋，
今次主要落咗雞、蝦、蓮藕和薯仔，
已經食到小魔怪Lam Lam脷呀!
佢仲講定下次食麻辣香鍋嘅材料添呀!
材料: 雞1隻、蝦1磅、蓮藕1節、薯仔1個、薑3大舊(拍扁)、
乾蔥頭3個(切片)、蒜蓉、蔥段、辣椒乾、芫茜適量、紹酒2湯匙、水少許
醃料: 豉油1湯匙、鹽少許、糖1茶匙、生粉1茶匙、麻油少許、紹酒少許
調味: 麻辣雞煲醬2.5湯匙、鹽適量、糖1.5茶匙、老抽(調色)
做法: 雞斬件後瀝乾水份，落醃料醃1小時；蝦解凍後剪蝦鬚和挑蝦腸；
薯仔和蓮藕去皮切片；將蝦煎至兩面轉色後盛起；
燒熱油鑊煎雞件兩面微焦黃，贊紹酒和老抽炒勻，落水煮5分鐘後盛起；
燒熱油鑊落薑、乾蔥片、蒜蓉、辣椒乾和麻辣雞醬炒香後，
加入雞件、蝦、薯仔和蓮藕炒勻，落水加鑊蓋煮至配料熟或至汁濃後，
按個人口味落鹽、糖調味和老抽調色，加埋蔥段炒勻後上碟，
最後加芫茜裝飾便成。
~呢個麻辣香鍋，材料可以按個人口味自選的，
雞、腩肉、肥牛、田雞、豬頸肉、魷魚等等，
配菜就更多選擇，可蓮藕、薯仔、豆腐乾、金菇、粉皮等等。
嘩~ 有蝦有雞. 剝下蝦殼輪下骨, 好滋味.
回覆刪除如果我煮此味, 我會唔煮白飯. 飲下湯食下餸就一餐.
呢個餸唔食飯我覺得會咸咗少少囉!
刪除麻辣我唔多受得
回覆刪除可能我食得麻辣啦!所以我覺得唔呢個麻辣醬唔係好麻辣，得個香咋!
刪除講到咁正，我都想食。 睇下呢邊有無呢樽醬賣
回覆刪除我覺得呢個麻辣醬唔係好麻辣，想食辣D就要加麻辣油和辣椒乾去爆料呀!
刪除