瑤柱腿蓉燴旺菜

我都幾鐘意買旺菜、娃娃菜和津白呢個種類嘅菜，

因為佢可以儲存多幾日都冇咩大問題，

用嚟炒肉、煮粉又或白灼都咁好食呀!

今日就整咗碟瑤柱腿蓉燴旺菜，

用呢個瑤柱腿蓉嚟撈飯，

真係一流架!

材料: 旺菜1個、瑤柱8粒、雲腿適量、薑3片、雞湯300ml

調味: 老抽少許(調色)、生粉水

做法: 將旺菜對開平均8份，浸洗後撈起備用；

雲腿沖水備用；瑤柱用清水浸2小時；

瑤柱(連水)和雲腿放入熱水鍋內蒸20~30分鐘至軟身後，

瑤柱拆絲，雲腿切碎；將雞湯放入鑊內加1碗水煮滾，

放入旺菜煮至淋身後盛起隔水；

把灼菜嘅雞湯、瑤柱絲和雲腿碎放入小鍋內煮滾後，

落老抽和生粉水埋芡汁，最後將瑤柱腿蓉汁淋在旺菜面便成。

~試味後如覺得瑤柱腿蓉汁有少少咸嘅話，可以加糖調味啊!

  

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page