今日靚湯~冬瓜粟米紅蘿蔔生熟薏米排骨雞腳湯，
加埋瑤柱和蜜棗嚟煲
攞個個LC煲嚟煲湯，
但材料好似好多，
多到差D水滿瀉呀!
睇嚟下次再換個大煲煲湯先得囉!
材料: 冬瓜1.5斤、雞腳8隻、唐排$60、粟米1條、甘筍1條、
生熟薏米$5、瑤柱6粒、蜜棗3粒
做法: 雞腳和唐排洗淨後，放入熱水鑊內出水5分鐘，雞腳剪甲備；
冬瓜連皮切件；粟米和甘筍去皮切件；
燒熱8碗水，落所有材料(除冬瓜外)煲滾後，轉小火慢慢煲1小時，
撇走湯內油份，轉中火煲番滾湯後再落冬瓜，用小火煲多30分鐘，
最後落鹽調味便成。
大家可以入嚟Facebook讚下我新開嘅Fans專頁呀!
好多料，正湯
回覆刪除呢個湯真係好好飲。
刪除有靚湯飲，我唔客氣啦！
回覆刪除等我攞個大碗裝先得。
刪除啖湯一定好甜~ 足料啊!
回覆刪除好清甜。
刪除