黃豆醬支竹豆卜炆五花腩肉

呢排我掛住睇奧運比賽，

所以連煮餸越簡單越好呀!

今日就炆咗一大鍋黃豆醬支竹豆卜炆五花腩肉，

夠哂食兩餐呀!

材料: 冰鮮五花腩肉2條、支竹3條(未炸)、豆腐卜10個、薑6片、

紹酒2湯匙、冰糖碎1湯匙、蔥粒、鹽適量

調味: 黃豆醬(麵豉醬)1湯匙、豉油1湯匙、老抽1湯匙

做法: 冰鮮五花腩肉解凍後，放入鍋內加水、薑3片和紹酒1湯匙煮滾出水，

取出腩肉沖水後切件；支竹浸軟剪段；豆腐卜沖洗後揸乾水份剪半；

燒熱鍋落少許油，加五花腩肉和薑3片先爆至出油；

在鍋中加入冰糖碎炒至焦黃色後，落調味將豬腩肉炒勻後贊紹酒1湯匙；

落熱水2.5碗煮滾後，轉小火慢慢炆煮30分鐘，

加入浸軟支竹和豆腐卜繼續炆多15分鐘，

按個人口味落鹽調味和落少許生粉水埋芡汁，最後灑上蔥粒便成。

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page