我見好耐冇整生菜魚肉湯，
拿拿臨去魚檔買魚肉；
其實我都好想買埋墨魚滑架，
可惜魚檔嘅墨魚滑放咗入冰箱，
硬過石頭呀!
冇辦法啦!
唯有返屋企攞包蝦仁出嚟解凍，
自己整D蝦丸加埋落去滾兩滾呀!
(呢包蝦仁係姐姐幫我係一田買架!)
材料: 魚肉$10、急凍蝦仁8隻、西生菜半個、清雞湯500ml、蔥粒、薑3片
做法: 蝦仁解凍後，將蝦仁拍扁剁碎，落少許鹽、胡椒粉和生粉攪勻，
放入雪櫃雪1小時；生菜撕開洗淨備用；
將清雞湯500ml、水1碗和薑3片煮滾，將魚肉和蝦丸放入滾湯內煮至浮起，
落生菜煮至翻滾後，灑上胡椒粉和麻油，最後落埋蔥花便成。
~今次蝦丸冇剁得太碎太爛，仲食到蝦仁嘅爽口，味道又唔太咸，唔錯喎!
大家可以入嚟Facebook讚下我新開嘅Fans專頁呀!
你自家整的魚肉球比在街買的生菜魚肉, SIZE起碼 大5 倍呀 !哈哈哈~
回覆刪除街賣的是生菜魚肉點呀!你的不愧叫魚肉球呀~ 正!
哈哈，呢個係大大啖版生菜魚肉湯，樣樣都大大件架!
刪除