粟米蓉兩食~粟米燴豬扒&粟米火腿蛋花湯

噚晚開咗罐粟米蓉嚟煮餸，

用咗半罐嚟燴豬扒，

今日就用埋其餘果半罐嚟滾個粟米火腿雞蛋湯，

一罐粟米蓉兩食，

好慳家喎!

粟米燴豬扒

材料: 梅頭豬扒3塊、粟米蓉半罐、雞蛋1隻

調味: 豉油2茶匙、鹽半茶匙、糖1茶匙、粟粉1茶匙、麻油少許

做法: 將豬扒兩面用刀背略略剁鬆，落醃料醃1小時；

燒熱油鑊煎豬扒兩面至熟後盛起；將粟米蓉半罐加適量水煮滾，

落豬扒煮多1~2分鐘，加蛋液攪勻煮個粟米蛋花汁便成。

粟米火腿蛋花湯

材料: 粟米蓉半罐、火腿1片切細絲)、雞蛋1隻

做法: 將粟米蓉和適量水煮滾，落火腿絲攪勻後，

按個人口味落鹽調味，熄火後加入雞蛋液慢慢攪勻便成。

  

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page