2021年8月23日 星期一

咸魚雞粒炒飯


唔知有冇人好似我咁大懵呢???

話說噚晚煮好餸兼裝定湯準備開飯時,

先發覺原來我冇襟飯煲制,

拿拿臨襟著個飯煲制都煮唔切架;

咁啱雪櫃仲有一碗冷飯,

老公唔介意食冷飯,

而我和小魔怪就飲湯食湯渣和食餸飽;

咁噚晚煮咗果煲飯呢???

今日我用咗一半嚟炒飯,

另一半就蒸熱佢嚟食呀!



(梅香咸魚$18塊)


材料: 冷飯4碗、雞髀肉1塊、咸魚1/4執、雞蛋2隻、生菜絲適量、蔥粒

醃料: 豉油1湯匙、老抽少許、鹽1/3茶匙、糖1茶匙、生粉1茶匙、麻油少許

調味: 豉油、糖(自行調較)

做法: 雞髀肉解凍後去皮切粒,落醃料醃半小時;雞蛋發勻;咸魚切粒;

燒熱油鑊落雞粒炒至8成熟後加入咸魚爆香後盛起;

燒熱油鑊落雞蛋快炒,將雞蛋炒碎後盛起;

原鑊落冷飯炒勻及盡量將冷飯炒散,落埋咸魚雞粒炒勻後,

落調味、雞蛋、生菜絲和蔥粒炒勻便成。

 
  
大家可以入嚟Facebook讚下我新開嘅Fans專頁呀! 








8 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!