今日大小魔怪都留家Home Office，
午餐都係食雜糧，
老公、我和小魔怪就食雪菜肉絲雜菜炆烏冬，
而大魔怪就食冬菇雜菜炆伊麵(素)，
配埋我至愛嘅是拉差辣椒醬，
嘩，
真係食到我唔停得口呀!
雪菜肉絲雜菜炆烏冬
冬菇雜菜炆伊麵(素)
材料: 梅頭豬肉$40、即食雪菜1包、椰菜半個、甘筍2/3條、
烏冬5個、老抽少許
醃料: 豉油1湯匙、鹽半茶匙、糖1茶匙、生粉1茶匙、麻油少許
調味: 蠔油1湯匙、豉油1湯匙、糖1茶匙、水4湯匙
做法: 豬肉切絲用醃料醃1小時；椰菜切絲；甘筍去皮切絲；雪菜略沖洗；
不需落油用白鑊炒乾雪菜，加半茶匙糖和麻油炒勻上碟；
落少許油爆香豬肉絲及加入雪菜快炒後，加4湯匙水煮至肉熟後上碟；
燒熱油鑊落椰菜和甘筍絲快炒，加入烏冬炒勻後，
落雪菜肉絲和調味炒勻並炆至汁濃，最後老抽調色便成。
冬菇雜菜炆伊麵
材料: 伊麵1個、椰菜和甘筍絲適量、冬菇5隻
調味: 豉油大半湯匙、老抽少許、素菇粉1茶匙、糖半茶匙、水4湯匙
做法: 冬菇浸軟切絲；伊麵放入熱水鑊內灼至軟身後撈起沖水瀝乾水份；
燒熱油鑊落冬菇爆香，加入椰菜和甘筍絲炒勻，落少許水煮熟菜後，
加入灼好嘅伊麵和調味炆煮至汁濃便成。
大家可以入嚟Facebook讚下我新開嘅Fans專頁呀!
雪菜肉絲雜菜炆烏冬…. wowowow, love it.
回覆刪除日日煮幾餐，咁多人食，諗煮咩真係有D辛苦，哈哈。
回覆刪除