2020年5月2日 星期六

海山(蝦醬)骨


呢排我做咗每事問,

去親冰鮮肉檔買豬肉時,

好鐘意問亞姐有關豬肉嘅問題;

今日就問亞姐我想搵有軟骨嘅排骨用嚟炸嘅,

咁佢就介紹我買呢款叫腩頭骨啦!

今次買呢舊腩頭骨好大塊,

可以當豬扒咁煎炸呀!

所以今日晚餐就用咗佢嚟整咗呢碟~海山(蝦醬)骨!

食落啖啖蝦醬味,

送飯一流呀!

我煮咗一半份量,

留一半明天食呀!










材料: 腩頭骨$75、蒜蓉、蔥絲、

調味: 蝦醬1.5湯匙、糖1.5茶匙、紹酒大半湯匙、雞蛋半隻

做法: 腩頭骨洗淨後隔去水份,用廚紙煮乾水份,

落醃料和蒜蓉醃半日或以上;將腩排頭撲上少許生粉,

放入熱油鑊內炸至兩面熟後,舖上蔥絲裝飾便成。

~從雪櫃取出食物後,最理想係放室溫1小時,咁烹調餸菜時,

食物平均受熱,易熟D架!

~今日自製咗1樽蒜蓉,將蒜蓉剁碎後放入玻璃樽並加入生油後,

可存放雪櫃2星期左右架!

 


大家可以入嚟Facebook讚下我新開嘅Fans專頁呀! 




2 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!