大頭菜蒸鯇魚

每次見親母親大人，

佢都問我有冇惠州梅菜，

我都好耐冇返惠州，

買唔到正宗惠州梅菜俾佢食，

我叫佢係香港買啦!

佢話香港賣嘅惠州梅菜又貴又唔好食喎!

佢好鐘意用梅菜嚟蒸魚，

食極都唔厭，

唔知改用大頭菜嚟蒸魚得唔得呢???

#問咗佢啦!

佢話大頭菜比較硬，

唔啱佢食呀!

材料: 鯇魚$25、大頭菜適量、薑3片(切絲)、蔥絲

做法: 鯇魚洗淨後用廚紙印乾水份，用刀係厚肉部份界幾刀，

灑半茶匙鹽醃魚15分鐘；大頭菜浸30分鐘後切絲；

將鯇魚放入蒸碟內，舖上大頭菜絲和薑絲，放入熱水鑊內用大火蒸12分鐘，

取出鯇魚倒去蒸魚水，舖上蔥絲後，贊上熱滾油和淋上蒸魚豉油便成。

~鯇魚蒸幾耐，要視乎鯇魚厚薄程度喇!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page