彩椒肉片炒手撕杏鮑菇

哈，

我呢排鐘意咗食椒添!

今日買咗幾隻彩椒仔，

顏色極鮮豔；

加埋手撕杏鮑菇和豬肉片，

炒炒埋埋一大碟，

開飯囉!

材料: 梅頭豬肉$20、杏鮑菇2隻、彩椒4隻、蒜蓉、生粉水適量

醃料: 豉油1茶匙、鹽半茶匙、糖1茶匙、生粉1茶匙、麻油少許

調味: 蠔油半湯匙、豉油半湯匙、老抽1茶匙、糖1茶匙、

麻油少許、大半碗水

做法: 梅頭豬肉切片後落醃料醃30分鐘；彩椒切片；

用清水洗一洗杏鮑菇表面，用手撕開杏鮑菇成條狀；

燒熱鑊不需落油，加入杏鮑菇炒至軟身及出菇水後盛起；

原鑊落油略煎豬肉片兩面，加入蒜蓉炒勻後，落調味煮至汁濃後，

加入彩椒和杏鮑菇炒勻後，加鑊蓋焗1分鐘後，落埋生粉水埋芡汁便成。

大家可以入嚟Facebook讚下我新開嘅Fans專頁呀!

雀后(添飯)Facebook Fan Page