成套有2把刀、剪刀、刨皮器、膠砧板和刀架，
都係56.8人民幣，
真係抵到呢，
本來諗住明天先試刀，
但最後終於都抵唔住即刻落街，
買個急凍豬肚和辣椒返嚟~試刀!
#試刀後感:
把陶瓷刀好輕好鋒利，
尤其把大刀，
一定要好小心用呀!
材料: 急凍豬肚1個、辣椒4條、辣椒乾8隻、蒜蓉、薑4片、
薑3片(切絲)、紹酒2湯匙、花椒油適量
調味: 蠔油半湯匙、豉油1湯匙、老抽少許、鹽半茶匙、糖1茶匙、麻油少許
做法: 急凍豬肚解凍後，切開一半清理內裡肥膏，
將豬肚、薑4片和紹酒1湯匙放入熱水鍋內煮30分鐘；
待涼撈起豬肚切絲；辣椒切圈；
燒熱油鑊加入蒜蓉、薑絲和辣椒乾炒香，落豬肚絲快炒後贊紹酒1湯匙，
加入調味和半碗水煮至汁濃後，落埋辣椒圈快炒，加鑊蓋焗1分鐘左右，
加生粉水埋芡汁後，最後灑少許花椒油係豬肚絲面便成。
~家人鐘意食爽口豬肚絲，所以烚豬肚約30分鐘，
但如果想食腍身嘅豬肚，就要烚1小時左右啦!
~其實我知用新鮮豬肚炒呢個餸會好食D，但懶唔想洗豬肚，
所以買咗急凍豬肚囉!
大家可以入嚟Facebook讚下我新開嘅Fans專頁呀!
我好論盡，所以唔敢用太鋒利嘅刀。
回覆刪除其實我都好大意，成日都會切到手架! >.<
刪除又多件玩具喇！
回覆刪除係呀，不過呢個玩具太鋒利，一定要好小心用呀!
刪除