氣炸鍋回歸~炸花生

平時好鐘意返惠州嘅市場買鹽香花生，

但呢排冇返惠州，

所以好耐冇得食囉!

試過係街市雜貨舖買嘅鹽香花生有油益味，

咁就不如自己勳手整嚟食好過啦!

唔想太油膩，

改用氣炸鍋嚟整呀!

花生未攤凍前食落好似唔係好多脆，

但攤凍後花生會變得更脆口，

本來想搵個樽裝起佢架，

但見老公和大小魔怪行過就攞幾粒嚟食，

應該好快就會俾佢哋食哂囉!

材料: 花生粒$8、米酒2茶匙、鹽適量1茶匙、油少許

做法: 花生浸水20分鐘後用廚紙索乾水份；

將花生放入氣炸鍋噴少許油後，用180度氣炸15分鐘，

每隔5分鐘開氣炸鍋噴少許油和搖一搖花生，等花生能平均受熱，

最後轉200度氣炸多3分鐘，倒出花生後，加入米酒2茶匙將花生撈勻，

待涼加鹽調味便成。

~加入米酒會令花生更香脆架!

~小魔怪係英國嘅中餐廳做過part time，

佢話係英國食炸花生係加鹽糖一齊撈勻的，

咁下次又要試下咁整先得啦!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page