今朝執廚櫃，
見有半包意粉開咗仲未煮，
求求其其買咗D牛肉嚟炒意粉，
炒咗一大鍋，
兩個人都食唔哂!
材料: 牛肉$40、三色椒每個切少少、洋蔥半個、蒜蓉、
麻油少許、黑胡椒碎適量
醃料: 豉油1湯匙、糖1茶匙、生粉1茶匙、生油少許、水2湯匙
調味: 豉油1湯匙、老抽適量、糖1茶匙
做法: 牛肉切片後，落醃料醃30分鐘；洋蔥去皮切絲；三色椒切幼條；
燒熱水加鹽1茶匙，落意粉出水8~9分鐘，裝起一碗煮意粉水後，
倒出意粉隔去水份；燒熱油鑊落牛肉快炒至8成熟後撈起；
原鑊落油加蒜蓉和洋蔥快炒，加入2湯匙意粉水炒洋蔥至轉色後，
落意粉、三色椒和意粉水3~4湯匙炒勻，加入調味炒至意粉乾身後，
落埋牛肉和灑上黑胡椒碎炒勻，灑上麻油少許撈勻便成。
大家可以入嚟Facebook讚下我新開嘅Fans專頁呀!
炒意粉，我好鍾意食。
回覆刪除我都鐘意炒意粉食架!
刪除