辣椒炒蜆肉

今日摷雪櫃，

冰箱有急凍蜆肉和下層就有4隻辣椒，

嘻嘻，

慳家嘅我緊係要用盡佢哋啦!

快快手炒個辣椒蜆肉，

辣辣哋超好送飯呀!

材料: 急凍蜆肉1磅、辣椒4隻、辣椒乾15隻、薑5片、蔥白適量、蒜蓉、

紹酒1湯匙、老抽少許

調味: 蠔油半湯匙、豉油半湯匙、糖1茶匙、穹椒粉少許、黑椒碎適量

做法: 急凍蜆肉解凍；辣椒切圈；

燒熱水加入紹酒半湯匙和蜆肉出水30秒後瀝乾水份，用廚紙索乾水份；

燒熱油鑊，加入薑片、辣椒乾、蒜蓉和蔥白炒香，

加入蜆肉快炒後贊紹酒半湯匙，炒至蜆肉乾身後，落辣椒圈和調味炒勻，

炒到蜆肉乾身後加少許老抽調色便成。

~鐘意食辣嘅朋友，可以再加辣豆瓣醬一齊炒架!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page