豉椒炒魷

今日我倆午餐食豉椒炒魷，

老公話下次食要配煎米粉底喎!，

哼，

估唔到佢咁識食，

仲識點我做嘢喎!

材料: 急凍魷魚1隻、三色椒每色半個、洋蔥半個、蒜蓉、豆豉粒、

辣豆瓣醬1.5茶匙、薑大片、紹酒2湯匙

調味: 蠔油2茶匙、豉油2茶匙、糖1茶匙、鹽半茶匙、

生粉1.5茶匙、水3湯匙

做法: 魷魚洗淨後界花切件，瀝乾水份後，

加入拍碎薑塊和紹酒半湯匙醃30分鐘；三色椒切件；洋蔥切件；

將豆豉、蒜蓉和辣豆瓣醬放入碗內撈勻；另把所有調味放入碗中攪勻備用；

燒熱滾水後熄火，加入魷魚灼一灼至少少轉色後撈起，隔去薑粒和水份；

燒熱油鑊炒香洋蔥後，落豆豉蒜蓉豆瓣醬炒香及加入三色椒快炒，

落魷魚炒勻後贊紹酒1湯匙，加入調味煮至汁濃便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page