我煮餸就真係好隨心，
見到有咩想食就會買嚟食；
今日見到有急凍鳳爪賣，
就買咗2磅返嚟炆花生喇!
調味: 鮑魚汁3湯匙、蠔油1湯匙、豉油半湯匙、老抽2湯匙、冰糖碎1湯匙
做法: 鳳爪解凍後，放入熱水鍋內加入薑3片和紹酒1湯匙出水5分鐘，
將鳳爪沖洗乾淨後剪甲備用；花生浸30分鐘後撈起；
將3碗水和花生煮滾後，轉小火烚1小時後熄火，待花生涼後隔水備用；
將花生、調味、薑3片和4碗水煮滾，轉小火炆煮30分鐘；
轉開中火落鳳爪煮滾後，再轉番最小火慢慢炆煮1小時左右，
熄火後唔好開蓋繼續焗至飯前，再煮滾就得，食時上碟加上蔥絲裝飾便成。
~煲鳳爪時，只要用小火慢慢炆煮，咁鳳爪就唔會煲到甩皮甩骨架啦!
~呢個鮑汁花生鳳可以早上炆定，到食飯前再煮滾，咁D鳳爪和花生，
又腍又入味架啦!
大家可以入嚟Facebook讚下我新開嘅Fans專頁呀!
花生好難都唔焾
回覆刪除呢煲花生連浸連炆，前前後後用咗3個鐘，炆到好淋呀!
刪除yum
回覆刪除花生鳳瓜，我至愛呀!
刪除