大魔怪話想食竹笙和脆脆麵，
拿拿臨買材料煮俾佢食。
今次買咗包冇漂白嘅野生竹笙，
睇個樣啡啡黑黑有點怪，
但食落好爽口，
又唔錯喎!
材料: 全蛋麵2個、野生竹笙6條、鮮冬菇8個、雞髀菇1隻、
雲耳適量、菜芯適量、薑2片
調味: 素食蠔油1湯匙、豉油1湯匙、糖1.5茶匙、素菇粉1茶匙
做法: 燒熱水落全蛋麵灼至軟身後撈起瀝乾水份；
野生竹笙浸軟去硬蒂，將薑2片和竹笙放入熱水鑊內出水後切件；
鮮冬菇和雞髀菇用濕布抹淨表件，切件備用；
雲耳浸軟去蒂；菜芯灼熟備用；
燒熱鑊(不需落油)，加入鮮冬菇和雞髀菇炒乾水份後，
加入竹笙、雲耳、調味和1.5碗水煮至汁濃後，落生粉水埋芡汁；
將灼好及已乾身嘅全蛋麵放入氣炸鍋用180度氣炸10分鐘，取出放入碟內，
將竹笙雜菌和菜芯舖在脆麵上便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!