吉列炸魚柳

今晚炸咗一大碟吉列魚柳，

小魔怪見到食香口嘢緊係興奮~一陣咁多啦!

佢話喎，

炸魚柳緊係要配埋炸薯條架啦!

點解唔炸埋薯條喎!

妳哋話，

佢係咪想激C我吖!

材料: 魚柳2條、蛋2隻、麵粉6~7湯匙、麵包糠、沙律醬

醃料: 鹽半茶匙、胡椒粉適量、麻油少許

做法: 魚柳解凍後，用廚紙索乾水份，落醃料醃4小時；蛋打散備用；

將魚柳放入大膠袋內，加入麵粉搖勻，讓魚柳全部沾上麵粉；

之後將魚柳沾上蛋液和麵包糠，靜待1-2分鐘；

燒熱油鑊後轉中小火，落魚柳炸至兩面金黃色，用廚紙隔油上碟便成。

~ 唔想點沙律醬，可以改用粟米蓉煮個粟米汁燴魚柳架!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page