食椒抗疫~黑椒三色椒炆排骨

記得之前三色椒都係十一、二蚊左右，

但依家要賣成十五蚊呀!

今日簡單煮咗碟小菜~黑椒三色椒炆排骨，

三色椒營養豐富，

除咗有維他命A、C外，

仲有好多好處架，

想知更多click入去睇下啦~三色椒營養價值。

等我哋齊齊食椒抗疫啦!

材料: 排骨粒半磅、三色椒各色半個、薑2片、黑胡椒碎適量

醃料: 豉油半湯匙、鹽少許、糖1茶匙、麻油少許

調味: 蠔油1湯匙、老抽少許、糖半茶匙、鹽少許、黑胡椒碎少許、水1碗

做法: 排骨粒解凍後用廚紙索乾水份，加醃料醃1小時；三色椒切件；

燒熱油鍋落薑片和排骨略煎兩面，加調味炆12分鐘後，加入三色椒炒勻，

加鑊蓋煮1~2分鐘，落少許生粉水埋茨汁後上碟，

最後灑上黑胡椒碎係排骨面便成。

~今次用嘅急凍排骨粒較薄身容易熟，所以炆煮時間可以略短呀!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page