麻香手撕雞

今日唔食豬肉食雞髀!

係街市買咗2隻大雞髀，

將佢拆咗肉嚟整手撕雞，

啖啖肉，

正呀!

話時話，

唔知係咪我呢排食得辣嘢多，

買咗支花椒辣油食落感覺一D都唔辣，

唔通我嘅味覺出現問題???

日式薑汁燒肉

有人問我點解仲食豬肉???

我平時買豬肉都會係超市裡豬肉檔買，

有品質保證D，

所以咪繼續食囉!

當豬肉全面停止供應後，

咁就要諗諗改食咩好喇!

花膠雲吞雞

今餐冇咩餸，

我剩係整咗呢煲花膠雲吞雞咋!

雞湯底餚咗2個鐘，

加埋花膠和自製嘅鮮蝦菜肉雲吞，

真係正到冇朋友呀!

灼生菜腐竹

呢排食多咗肉，

嚟碟清清哋嘅灼生菜腐竹，

清下腸胃都唔錯架!

鮮蝦菜肉雲吞

聖誕日有咩攪作???

小魔怪好想食有肉雲吞好耐架喇!

(之前幾次都係包素餃子呀!)

所以今日買咗一斤半雲吞皮，

諗住包菜肉雲吞，

我見雪櫃有包蝦仁，

加埋落個雲吞餡度喇!

今日呢度包咗70隻鮮蝦菜肉雲吞，

剩番嘅雲吞皮，

明日包素雲吞俾大魔怪食呀!

平安夜

今日平安夜，

剩得我哋倆老撐枱腳咋!

簡簡單單整咗個平安夜大餐，

烤雞髀、烤蕃薯、吉列蝦和烚西蘭花，

仲有煲粟米魚肚蛋花湯，

巧巧味道啊!

西餅蛋糕製作精選實習(十四)~第6~7堂

焗甜薯芝士蛋糕&什果巴巴冧

冬至快樂~熱辣辣羊腩煲

小魔怪由英國返咗嚟香港咁耐，

佢話冇食過羊腩煲喎!

襯今日係冬至，

一於嚟過熱辣辣暖笠笠嘅羊腩煲啦!

咁大魔怪呢???

佢12月中開始放大假，

前幾日飛咗去日本玩，

28號先返香港呀!

沙爹豬肉串燒

聖誕節就快到，

今日我就整咗呢個沙爹豬肉串燒，

最啱聖誕開party時食架啦!

大家齊齊動手整嚟試下啦!

蕃茄洋蔥燴豬扒

今日下午要去睇牙醫做深度洗牙，

做深度洗牙係要打埋麻醉藥架!

所以今日午餐會好少少，

而晚餐肯定牙軟食唔到嘢，

睇怕都係要食粥水架啦!

去街市肉檔買咗2大塊新鮮豬扒都係$30，

用嚟煮蕃茄洋蔥燴豬扒，

午餐得我同老公兩個人食，

自己煮30零40蚊1餐，

簡直平靚正呀!

滑蛋蝦仁燴飯(1人份)

今日整咗碟滑蛋蝦仁燴飯俾老公做午餐，

做法簡單得嚟好味道，

呢個飯應該會有下次呀!

不過老公提醒我，

下次整呢個燴飯，

唔該蝦仁落多少少喎!😊😊😊

客家炆豬肉配咸酸菜

小魔怪要食健康餐，

咁老公食咩好???

今日我就炆咗客家炆豬肉配咸酸菜，

買嘅五花腩唔太肥，

將有軟骨部份切開，

咁老公可以食有皮嘅五花腩，

而我就食有軟骨較瘦嘅部份喇!

不過配埋咸酸菜、豆腐卜和木耳一齊食，

感覺唔係好肥膩呀!

努力加油

小魔怪減肥計劃開始啦!

佢除咗開始做運動外，

連飲食方面都好好配合呀!

今日煮咗冇鹽冇油版嘅白烚菜和雞胸肉，

為咗鼓勵佢能夠持之以恆，

我盡量都會陪佢食(少少)啦!

唔好以為我唔會煮其他餸，

因為老公應該食唔慣咁健康嘅白烚肉，

總有一碟餸啱佢食架!

P.S下面碟芝麻醬配白烚雞胸肉係我食架!

有D味道易入口多D呀!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page

西餅蛋糕製作精選實習(十四)~第4~5堂

Key Lime Pie &蜜棧橙皮曲奇

生菜魚肉湯

生菜魚肉湯，

一個簡單又好味道嘅煲仔菜，

灑幾滴我至愛嘅義香麻油和胡椒粉，

正到痺呀!

柱候蘿蔔炆豬軟骨

不時不食，

呢期蘿蔔超級靚，

清甜又冇渣，

用嚟炆餸就最啱喇!

沙爹豬皮蘿蔔魚蛋

朋友仔成日都想食我整嘅豬皮蘿蔔魚蛋，

今日我見商場開咗間買火鍋食品嘅舖頭有醬油魚蛋，

於是就買番磅嚟整咗呢個唔辣嘅沙爹豬皮蘿蔔魚蛋，

等今日返蛋糕班時拎去請朋友仔食呀!

P.S呢樽沙爹醬係母親大人返教會時順便買俾我，

香而不辣，

味道唔錯架!

臘腸炒萵苣

母親大人攞咗條黑毛豬臘腸俾我試下，

唔知係咪我唔識欣賞，

我覺得同普通臘腸冇咩分別，

食落味道和質感都係差不多，

不過價錢方面就貴好多倍喇!

返惠州

噚日星期六，

我同老公和姑奶返咗惠州，

午餐約咗朋友食豬肚雞煲；

今次飲五指毛桃豬肚雞，

啖湯好鮮甜，

飲完頭啖湯仲可以用嚟打邊爐，

食埋個臘味飯就very good喇!

雜錦鍋

天氣開始涼，

又係食煲仔菜嘅時候喇!

最鐘意就係煮呢個雜錦鍋，

鐘意咩材料都可以加落去，

一鍋過，

連碟慳番唔使洗呀!

啫啫雞煲

整啫啫雞煲，

最理想係用瓦煲架喇!

因為上枱時瓦煲嘅熱力會令煲內食物發出啫啫聲；

不過我屋企冇瓦煲(我怕甩底)，

所以用咗易潔鍋呀!

西洋菜紅蘿蔔粟米咸鴨腎排骨湯

今日又煲老火湯喇!

西洋菜紅蘿蔔粟米咸鴨腎排骨湯(加南北杏瑤柱蜜棗)，

呢期西洋菜平靚正，

唔買D番嚟煲湯都唔得啦!

西餅蛋糕製作精選實習(十四)~第3堂

德國Rum酒提子芝士蛋糕

好耐冇整過芝士蛋糕，

大魔怪好鬼鐘意食，

不過佢話麻麻哋提子乾，

叫我下次唔好落喎!

又去滾~節瓜咸蛋肉片瑤柱湯

噚晚又去滾~節瓜咸蛋肉片瑤柱湯!

瑤柱粒係流浮山買的($240斤)，

簡單用嚟煲湯、煲粥，

滾出嚟嘅湯味道都幾鮮味架!

又或者用係煮下瓜瓜菜菜，

都係一個唔錯嘅選擇嚟架!

家庭聚會

噚日係父親大人嘅生忌，

我哋一家人都會選擇一齊去拜祭佢架!

晚上唔想出街食，

簡單叫KFC，

而我就一早煮咗個生炒臘味糯米飯拎過去，

姐姐滾個粟米蛋花湯，

焗埋個現成pizza和蘑菇做晚餐，

大家圍埋一齊開開心心食還飯呀!

日式炸雞

係咪衰呢，

今日我見好番少少又開始為食喇!

今晚得小魔怪和我兩人個人食晚飯，

簡單整咗碟炸雞一齊嘆下，

炸粉係用日本旅遊時買嘅日清炸雞粉，

唔需要預先醃肉，

廿零分鐘就有炸雞食，

係咪好正呢!

鱆魚蓮藕紅蘿蔔馬蹄綠豆排骨湯(陳皮+蜜棗)

小魔怪話要飲有肉嘅湯喎!

簡單啦!

今日即刻煲一大煲鱆魚蓮藕紅蘿蔔馬蹄綠豆排骨湯(陳皮+蜜棗)，

鱆魚湯味道好香濃，

加埋起哂絲嘅蓮藕和爽口馬蹄，

啖湯好鬼甜架!

栗子冬菇洋蔥炆雞

不時不食，

呢期栗子靚，

買咗半磅返嚟炆雞；

圓圓黃黃是桂林錐栗子，

香甜又易腍，

用嚟炆雞就最啱喇!

上海炒烏冬

平日唔想食飯咁食咩好???

我就最鐘意炒烏冬食喇!

2個人食都會炒大大碟，

食唔哂留番下一餐食，

懶得就懶呀!

黑椒洋蔥咸豬手

病咗幾日食咗藥，

個口啖啖咁，

真係好想食番D有味嘅餸呀!

係超市買咗包即食咸豬手肉，

切片炒洋蔥，

簡單又惹味，

好送飯架!

豉油汁浸雞翼&雞腳

今次用整沙薑雞腳嘅原理，

煮咗個豉油汁嚟浸雞翼和雞腳，

今次浸咗10個鐘D雞翼雞腳皮都仲好爽，

肉質仲好滑添，

越浸得耐雞翼雞腳越入味，

顏色仲會深色少少架!

西餅蛋糕製作精選實習(十四)~第2堂

朱古力cake pope &綠豆凍糕

整呢個cake pope真係幾玩嘢架!

整咗個靚靚蛋糕後，

要將佢撕成泥咁嘅狀態，

跟手又要加朱古力漿搓成糰，

再沾朱古力漿和加糖粒，

咁就玩咗3個鐘頭啦!

洋蔥排骨

呢兩日開始感冒，

周身骨痛外，

頭痛喉沙兼仲有D咳添，

食咗藥就日瞓夜瞓，

越瞓越攰呀!

南乳芋頭炆鴨

南乳芋頭炆鴨，

小魔怪至愛之一，

今次買嘅芋頭超級靚，

又粉又黐刀，

我鐘意炆到個芋頭爛哂溶哂係D南乳汁度，

撈飯一流呀!

香煎客家五香咸肉

星期日醃定咗D客家五香咸肉，

噚晚急不及待就煎嚟食啦!

其實如果醃多一兩日應該仲入味，

之不過為食冇計啦!

芫荽魚片皮蛋湯

芫荽魚片皮蛋湯，

一個廿蚊都唔使但超級下火嘅靚湯水；

小魔怪至愛芫荽魚片湯，

自從佢係英國返嚟就愛上食芫荽，

佢一路飲一路問點解唔煲大煲D呀!

灌蛋蔥油餅配榨菜油炸鬼

星期六唔使一定煮飯食嘅，

今日就個灌蛋蔥油餅配榨菜油炸鬼，

蔥油餅係買現成的，

方便又易做，

唔使5分鐘就有得食啦!

花生鳳爪

我好鐘意食打冷舖嘅花生鳳爪，

出街食貴得嚟份量又少，

都係自己整成本慳好多呀!

滷牛腱金錢肚牛筋

今朝突然挑起條筋想食滷水牛腱，

環掂都係整，

順便滷埋金錢肚和牛筋啦喂!

素蓮藕煎餅

呢個素蓮藕煎餅真係好易做，

雖然材料簡單，

但煎出嚟個賣相都唔差，

而且又有脆口、爽口嘅口感，

認真唔錯架!

不過油就可能要落多少少嚟煎喇!

西餅蛋糕製作精選實習(十四)~第1堂

前排學整麵包整得多，

今個學期轉學做西餅蛋糕呀!

好耐冇整過卷蛋糕，

今堂仲學埋彩繪花紋，

雖然我冇咩繪畫方面冇咩天份，

但整體上又幾好玩喎!

南瓜粟米紅蘿蔔雞腳排骨湯

話時話，

我都好耐冇煲老火湯啦!

見噚日行山行到我腳仔軟，

今日即刻買D雞腳返嚟煲個湯補一補對腳先得!

南瓜粟米紅蘿蔔雞腳排骨湯，

清甜好飲，

正呀!

行山篇~黃泥涌水塘去北角

今日約埋老公舊同學一行七人

係中環交易廣場搭6號巴士去黃泥涌水塘公園落車，

行去水塘公園影相後，

開始由黃泥涌水塘行去北角啦!

全程行咗十公里左右，

約3個幾4個鐘架!

呢段初頭係平路，

之後落山就多石級，

同上次由山頂行落香港大學一樣，

行到我腳軟軟呀!@@"

流浮山掃貨

今朝我同母親大人和姐姐姐夫4個人，

齊齊入流浮山掃貨，

好在我哋11點左右就到流浮山，

遊人比較少，

我哋買嘢都舒服D，

買完嘢就啱啱D旅行團嚟到，

超多人呀!

2日1夜~清遠英德遊

噚日，

老公和我參加領華辦嘅清遠英德兩日遊，

團費平平哋$299(純玩團)。

我哋揀深圳灣上車，

早上9點鐘集合呀!

第一次坐高身車，

仲要係坐車頭位，

日日係咁爬上又爬落，

爬多幾次都幾攰架!

滷排骨

今日買咗4條1字排骨，

簡單整個滷水排骨食都好喎，

排骨大大舊，

最好就係用手揸住嚟食架啦!

歐式麵包中班~第九、十堂

第九堂~中東辣味麵包條&紅甜椒瑞士芝士麵包

薑蔥魚頭腩煲

今日老公話想食魚，

即刻去街市買咗個新鮮大魚魚頭($40)，

又買咗份靚靚大魚魚腩($12)，

整個薑蔥魚頭腩煲俾老公嘆下啦喂!

一年一度大閘蟹宴

一年一度大閘蟹宴又嚟啦!

今年大閘蟹數量唔多，

但比往年嘅好食，

蟹膏都幾靚架!

雖然今年大閘蟹嘅size細隻咗，

價錢就同往年差不多，

連蒸蟹價每隻$160左右呀!

我和老公3隻兩份食，

加埋晚飯2個人都係$740咋!