柱候蘿蔔炆豬軟骨

不時不食，

呢期蘿蔔超級靚，

清甜又冇渣，

用嚟炆餸就最啱喇!

材料: 豬軟骨1.3磅、蘿蔔1個、薑3片、蒜蓉、柱候醬1湯匙、

鹽少許、紹酒少許、蔥粒、生粉水

調味: 蠔油1湯匙、豉油1湯匙、老抽適量、冰糖粒1湯匙

做法: 豬軟骨出水後備用；蘿蔔去皮切件；

凍油落鍋放入薑片、蒜蓉和柱候醬炒香後，落豬軟骨快炒後贊少許紹酒，

落調味和水2碗煮滾後，轉最小火炆1小時，熄火後唔好開蓋繼續下佢；

臨食前煮滾豬軟骨，加入蘿蔔煮滾，轉慢火炆多30分鐘，

按個人口味加鹽調味，落埋少許生粉水埋茨汁，

最後盛起後灑上蔥粒便成。

~當炆蘿蔔時可能會發覺唔夠汁係唔緊要，因為炆蘿蔔會出水，

唔驚會炆乾；如果真係冇咩汁嘅話，可以落少許熱水呀!

~唔炆豬軟骨，可改炆排骨或牛腩架!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page