滑蛋蝦仁燴飯(1人份)

今日整咗碟滑蛋蝦仁燴飯俾老公做午餐，

做法簡單得嚟好味道，

呢個飯應該會有下次呀!

不過老公提醒我，

下次整呢個燴飯，

唔該蝦仁落多少少喎!😊😊😊

材料: 蝦仁9隻、雞蛋1隻、蔥粒適量、白飯適量、生粉1茶匙(埋茨用)

調味: 鹽半茶匙、胡椒粉適量、麻油少許

做法: 蝦仁解凍後，用廚紙索乾水份；雞蛋發勻備用；

將大半碗水煮滾，加入調味、蝦仁和蔥粒煮至蝦仁轉色，

落生粉水埋茨汁後，再加蛋液拌勻成蛋花，將滑蛋蝦仁倒入白飯面便成。

~落蛋液後唔好咁快將蛋液攪勻，等佢係煲裡慢慢成蛋花後，

用匙羹由鑊邊輕輕撈勻，咁個蛋花就會好靚架啦!

~唔好以為落半茶匙鹽落大半碗水煮滾，會覺得好咸，

因為做呢個燴飯係撈勻白飯嚟食，食落就啱啱好架啦!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page