三色椒炒牛肉

今餐食牛肉，

買咗三十蚊牛肉炒埋應該唔夠食，

好彩加埋三色椒和洋蔥先炒夠一碟餸；

今次加咗幾隻辣椒乾落去一齊炒，

辣辣哋好惹味呀!

材料: 牛肉$30、三色椒各1/3個、洋蔥半個、蒜蓉、薑片、辣椒乾

醃料: 豉油1湯匙、糖1茶匙、生粉1茶匙、麻油少許、水2湯匙

調味: 蠔油1湯匙、老抽少許、鹽少許

做法: 牛肉切片後，浸水一陣去血水，揸乾水份後，落醃料醃30分鐘；

三色椒和洋蔥切絲；燒熱油鑊落牛肉快炒至斷生後盛起備用；

原鑊落蒜蓉、薑片和辣椒乾炒勻，加洋蔥絲快炒後，落埋牛肉和三色椒，

加入調味炒至三色椒熟便成。

     

 大家可以入嚟Facebook讚下我新開嘅Fans專頁呀!

 雀后(添飯)Facebook Fan Page