粟米魚肚肉碎羹

抗疫晚餐~粟米魚肚肉碎羹。

依家豬肉咁貴，

想煲一鍋老火湯，

起碼要買一百幾十蚊豬骨或豬腱，

啖湯先好飲；

想慳D錢，

改滾罐頭湯都唔錯架!

普通一罐粟米湯，

加埋魚肚、肉碎和雞蛋，

咁平平無奇嘅粟米湯，

即刻升呢啦!

材料: 地們粟米蓉1罐、豬肉碎$15、魚肚1條、雞蛋1隻

醃料: 豉油1茶匙、糖1茶匙、生粉少許、麻油少許

做法: 用醃料醃豬肉碎15分鐘；雞蛋發勻備用；

將1罐粟米蓉、1罐水和魚肚放入煲內煮滾10分鐘後，落肉碎後滾多5分鐘，

加入鹽調味後熄火落蛋漿攪勻，隨個人喜好加胡椒粉調味便成。

魚肚處理方法:

魚肚用水浸軟，燒熱一鍋水，加薑片放入魚肚出水15分鐘，

唔好開蓋焗多大半個鐘，洗淨內裡的沙粒，切粒備用。

~一次過處理多些魚肚放入冰箱，咁就隨時有得用；

~魚肚可以用嚟蒸、炆、滾湯都得架!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page