素湯~印度椰子海底椰栗子馬蹄粟米紅蘿蔔湯

原來今日係中國廿四節氣中嘅處暑，

即係代表炎熱天氣即將完結了。

但今日街外天氣一樣咁悶熱，

行一陣公園已經出哂汁，

連口罩掛耳帶都濕到扭得水出呀!

所以我今朝一早煲定煲素湯，

等個廚房冇咁熱呀!

材料: 印度椰子1個、海底椰乾適量、紅蘿蔔1個、馬蹄12粒、

粟米1條、栗子半磅、蜜棗2粒

做法: 印度椰子洗淨切條；海底椰乾沖洗備用；

紅蘿蔔去皮切件；馬蹄去皮；栗子去殼去衣；粟米去皮切件；

將所有材料放入煲內加入10碗水，用中大火煮滾後，轉小火慢慢煲1.5小時，

最後落鹽調味便成。

~呢個湯水可以加少少南北杏落去一齊煲架!

~呢個湯水有止咳潤肺，滋陰清燥熱等功效架!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page