椒鹽骨

之前買咗1.5磅豬仔骨，

今朝早攞出嚟解凍，

比較細件的就用嚟整椒鹽骨，

另外大件的就用嚟整另一款餸呀!

材料: 豬仔骨、蛋液1湯匙、蒜蓉、蔥粒、辣椒仔2隻、

味椒鹽適量、生粉5茶匙

醃料: 鹽大半茶匙、糖1茶匙、胡椒粉適量、紹酒少許

做法: 豬仔骨解凍後切件，用廚紙索乾水份，落醃料醃1小時；

從雪櫃取出豬仔骨放室溫30分鐘，加入蛋液1湯匙醃豬仔骨一陣後，

再落生粉撈勻，放入熱油內炸至豬仔骨熟後，

撈起豬仔骨並隔油，再燒熱油鑊再放豬仔骨翻炸多30秒後撈起，用廚紙索油；

燒熱鑊(不需加油)落蒜蓉、辣椒粒和蔥粒炒香，加入炸豬仔骨快手炒勻，

最後灑上少許味椒鹽調味便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page