蝦醬肉碎炒飯

抗疫午餐~蝦醬肉碎炒飯。

呢排大小魔怪減肥，

真係一粒米都唔食呀!

全日我只係洗一杯半米，

足夠我和老公食到2餐；

有時連我都唔食飯嘅話，

咁剩咗嘅話就會第二朝用嚟炒飯食架啦!

加埋我至愛嘅豆奶，

今日午餐又食飽飽囉!

材料: 豬肉碎適量、生菜1/4個(切絲)、雞蛋2隻、白飯4碗

調味: 蝦醬少許、糖半茶匙

做法: 肉碎用少許豉油、糖、麻油和生粉醃一陣；雞蛋落少許鹽發勻備用；

燒熱油鑊落豬肉碎盡量炒碎至熟後放在鑊邊，落雞蛋炒至熟；

雞蛋和豬肉碎炒勻後，加入白飯撈勻及炒至乾身後，

落調味炒勻至出蝦醬香味，最後落生菜絲炒勻便成。

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page