大魔怪食番肉，
最高興嘅竟然係小魔怪，
因為佢話以後可以唔使飲齋湯啦!
今日煲粉葛土伏苓牛大力地老鼠煲西施骨湯，
加咗紅蘿蔔、馬蹄、粟米和蜜棗，
煲3小時後就有得飲架啦!
材料: 粉葛1.5斤、土伏苓牛大力地老鼠1包、西施骨$70、紅蘿蔔1個、
粟米1條、馬蹄12粒、赤小豆扁豆$6、蜜棗4粒
做法: 粉葛和紅蘿蔔去皮切件；馬蹄去皮；
土伏苓牛大力地老鼠浸一陣；赤小豆扁豆略浸；西施骨出水備用；
凍水落鍋(約12碗水)加入所有材料煲滾15分鐘後，轉小火煲3小時，
最後加鹽調味便成。
大家可以入嚟Facebook讚下我新開嘅Fans專頁呀!
你煲湯好足料啊! 其實呀! 為煲湯一D 都唔簡單呀! 前期工作一籮籮, 重DUM DUM 拎回來, 又批皮又洗又切又浸...廚娘萬歲! 媽咪第一 !
回覆刪除依家煲老火湯成本好高，所以有都係鐘意滾湯多D呀!
刪除煮素食真係比較麻煩,我仍然要繼續煮素湯。
回覆刪除素湯，我都會繼續煲呀!
刪除有靚湯飲，正😋
回覆刪除呢個湯清熱袪濕，好正架!
刪除