噚日係流浮山買嘅海星湯包$68，
裡面除咗有海星外，
仲有海底椰乾和雪梨乾，
亞姐話呢個湯包可以分開5次煲，
今日拿拿聲即刻煲嚟飲，
啖湯真係好清甜，
好好飲呀!
呢個湯有化痰止咳，清熱潤肺，解毒散結等功效。
材料: 海星3隻、雪梨乾適量、海底椰乾適量、豬腱$70、粟米1條、
紅蘿蔔1個、南北杏適量、蜜棗3粒、紹酒少許
做法: 海星浸軟後，放入熱水內加薑蔥和紹酒出水，
剪開海星角中間位置去內臟；豬腱出水備用；紅蘿蔔和粟米去皮切件；
燒熱10碗水，加入所有材料滾後轉小火煲1.5小時，
最後落鹽調味便成。
好呀 ! 即買即用. ^_^
回覆刪除呢個湯包好抵買呀!
刪除