雜錦炒粒粒配潮州粥

 

今朝起身口淡淡，

晏晝係屋企坐坐下沾寒又沾凍，

拿拿聲即刻做番個COVID檢測先得，

好彩仲係一條線呀!

老公話我呢排吹得冷氣多，

所以感親喎!

晚上唔想食飯，

煲咗煲潮州粥，

炒碟雜錦炒粒粒嚟送粥呀!

材料: 彩椒1包、蜆肉半磅、菜脯$3、梅頭豬肉$30、炒香花生適量、

蒜蓉、紹酒

醃料(肉粒): 豉油1湯匙、鹽半茶匙、糖1茶匙、麻油少許、生粉

調味: 蠔油1湯匙、豉油半湯匙、老抽少許、糖1茶匙

做法: 首先彩椒、菜脯(浸15分鐘)和豬肉切粒備用；蜆肉出水；

燒熱油鑊先落豬肉粒略煎兩面後，加少許水煮至豬肉粒熟後盛起備用；

再燒熱油鑊落蒜蓉、菜脯粒和蜆肉炒勻後贊紹酒少許，

加肉粒、三色椒和菜脯快炒數十下，落調味後再煮至收汁，

最後加灑上炒香花生便成。

 

 

 

 

 

  

大家可以入嚟Facebook讚下我新開嘅Fans專頁呀! 

 

雀后(添飯)Facebook Fan Page