絲瓜魚肚雲耳肉片湯

天氣熱辣辣，

兩個人食飯就煮得簡單D喇!

晚餐滾咗鍋絲瓜魚肚雲耳肉片湯，

撈湯食飯都唔錯架!

連餸都可以唔使煮，

哈哈，

慳家之首選呀!

材料: 絲瓜2條、魚肚適量、梅頭豬肉$30、杞子適量、

清雞湯500ml、薑3片

醃料: 豉油1茶匙、鹽少許、糖少許、生粉少許、麻油少許

做法: 豬肉切片後落醃料醃15分鐘；絲瓜去硬皮滾刀切件；雲耳浸軟備用；

將清雞湯、薑片、魚肚和2碗水放入鍋內滾後，

落豬肉片和雲耳滾5~8分鐘，然後落絲瓜煮多2~3分鐘，

最後灑上杞子滾多一陣便成。

~如果做湯飯嘅話，飯就同絲瓜一齊落鍋裡煮就得啦!

~按個人口味可加入蔥粒和胡椒粉調味。

魚肚處理方法:

魚肚用水浸軟，燒熱一鍋水，加薑片放入魚肚出水15分鐘，

唔好開蓋焗多大半個鐘，洗淨內裡的沙粒，切粒備用。

~一次過處理多些魚肚放入冰箱，咁就隨時有得用；

~魚肚可以用嚟蒸、炆、滾湯都得架!

 

  

大家可以入嚟Facebook讚下我新開嘅Fans專頁呀!

雀后(添飯)Facebook Fan Page