响天貓超市淘咗包有機小米返嚟，
今日就用佢嚟煲咗鍋蕃薯小米粥做午餐；
老公話呢個蕃薯小米粥用嚟做早餐都唔錯喎，
仲叫我一齊食添呀!
吓，
咁我以後咪冇得落街嘆早餐囉!
材料: 小米適量(我用煲湯用嘅大湯匙1.5大匙)、蕃薯1個
做法: 小米只需輕輕洗1次後用水30分鐘後隔水；
燒熱水加入小米煲滾後，用筷子隔起煲蓋，轉小火慢慢煲20分鐘；
加入去皮切粒嘅蕃薯粒煲多10分鐘或至蕃薯腍後就食得，
唔使調味，清清淡淡最可口啊!
~小米係普通雜貨舖有得賣呀；
~小米有清熱解毒、健脾除濕、暖胃安眠等功效；
~蕃薯就有潤腸通便、降血壓和去水腫等功效。
好健康
回覆刪除真係好健康呀!
刪除