之前收到奇華餅家公關送上的鮮肉臘腸和鮮鴨潤腸，
今日就用佢哋嚟炒大荷蘭豆呀!
平時食開扁扁細細嘅荷蘭豆，
第一次買咁大型嘅荷蘭豆嚟炒，
我問菜檔亞姐唔知好唔好食呢???
佢話食過就知係好嘢，
話我一定會番轉頭再買嚟食呀!
佢又講得冇錯喎，
大荷蘭豆真係好爽脆，
我應該會再買嚟食呀!
材料: 鴨膶腸和臘腸各一條、大荷蘭豆半斤、唐芹適量、
三色椒適量、雲耳適量、蒜蓉
調味: 鹽大半茶匙、糖半茶匙
做法: 大荷蘭豆去頭尾和根；唐芹去葉後切斷；
雲耳浸軟剪硬蒂；三色椒切絲；
燒熱水加少許糖，落荷蘭豆和雲耳灼至荷豆轉色後撈起過冷河；
鮮鴨膶腸和鮮肉臘腸蒸軟切片；燒熱鑊落少許油煎香臘腸和鴨潤腸後盛起；
原鑊不需落油，加唐芹、三色椒和蒜蓉炒香後，
落荷蘭豆雲耳快炒，沿鑊邊贊少許紹酒，
加切好嘅鴛鴦臘腸炒勻便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!