老公話想食炆花生，
簡單啦!
買咗$6花生和1磅鳳爪返嚟，
炆咗一大碟花生炆鳳爪，
食到唔停得口呀!
材料: 花生$6、鳳爪1磅、薑6片、紹酒2湯匙、八角2粒、香葉4片
調味: 豉油1.5湯匙、老抽1湯匙、冰糖粒1湯匙、五香粉適量
做法: 花生浸1小時後，放入鍋內加4碗水煮滾，
轉小火慢慢煲1小時後熄火，唔好開蓋焗1小時，花生隔水(留花生水)；
凍水落鍋加入鳳爪、薑3片和紹酒1湯匙煮滾出水5分鐘，
隔去水份沖洗乾淨後剪甲備用；
燒熱油鑊落鳳爪、調味、薑3片、香葉和八角炒勻後贊紹酒1湯匙，
加入烚好嘅花生和3碗水(包括烚花生水)煮滾後，
轉細火慢慢炆煮45分鐘，最後按個人口味落鹽調味便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!