印度椰子海底椰粟米紅蘿蔔栗子馬蹄素湯

我哋一家四口子都鐘意飲呢個素湯，

因為全部材料都可以食番，

一D都唔會嘥架!

就連好硬嘅印度椰子，

老公和大魔怪都鐘意咬嚟食，

真係連湯渣都當飯食呀!

咁滋潤嘅素湯水，

平均每星期我都會煲一次架!

材料: 印度椰子1個、海底椰乾適量、紅蘿蔔(有泥)1個、馬蹄15粒、

粟米1條、栗子半磅、蜜棗3粒、南北杏1湯匙

做法: 印度椰子洗淨切條；海底椰乾沖洗備用；

紅蘿蔔去皮切件；馬蹄去皮；栗子去殼去衣；粟米去皮切件；

將所有材料放入煲內加入10碗水，用中大火煮滾後，轉小火煲1.5小時，

最後落鹽調味便成。

~呢個湯水有止咳潤肺，滋陰清燥熱等功效架!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page