終於清埋最後一份豬肉碎喇!
摷埋冰箱嘅魚肚出嚟，
解凍後就可以用嚟呢鍋粟米肉碎魚肚羹呀!
加埋隻蛋做蛋花，
快靚正，
唔使15分鐘就煮好，
開飯啦喂!
材料: 地們粟米蓉1罐、豬肉碎適量(已調味)、魚肚適量、雞蛋1隻
做法: 雪櫃取出魚肚先解凍後切粒；雞蛋發勻備用；
將1罐粟米蓉、1罐水和魚肚放入煲內煮滾10分鐘，
落豬肉碎後滾多5分鐘，加少許鹽調味後熄火落蛋漿攪勻，
按個人喜好加胡椒粉調味便成。
魚肚處理方法:
魚肚用水浸軟，燒熱一鍋水，加薑片放入魚肚出水15分鐘，
唔好開蓋焗多大半個鐘，洗淨內裡的沙粒，切粒備用。
~一次過處理多些魚肚放入冰箱，咁就隨時有得用；
~魚肚可以用嚟蒸、炆、滾湯都得架!
我從未整過魚肚, 成日覺得好似浮皮.
回覆刪除魚肚淋身，豬皮爽口，我兩樣都鐘意食呀!
刪除