今朝早去整頭髮，
所以冇去買餸，
午餐買個飯盒同老公兩份食，
晚餐食咩好???
摷下雪櫃睇下有咩可以煮嚟食先得。
材料: 雞翼10隻、三色椒各色半個、洋蔥半個、蒜蓉、豆豉粒、粟粉水
醃料: 豉油1湯匙、鹽半茶匙、糖1茶匙、麻油少許
調味: 蠔油1湯匙、豉油半湯匙、老抽大半湯匙、糖1茶匙、水1.5碗
做法: 雞翼解凍後用廚紙索乾水份，落醃料醃1小時；
三色椒切件；洋蔥切件；豆豉粒浸10分鐘瀝乾水份備用；
燒熱油鍋落雞翼略煎兩面，加調味炆15分鐘後盛起；
燒熱油鑊落蒜蓉、豆豉粒、洋蔥和三色椒快炒數十下，
落雞翼(連汁)加鑊蓋煮2~3分鐘，最後落少許生粉水埋茨汁便成。
大家可以入嚟Facebook讚下我新開嘅Fans專頁呀!
請問雞翼(連汁)，個汁點整？
回覆刪除醃好雞翼後，略煎雞翼後落調味和水炆熟雞翼；
刪除再炒洋蔥和三色椒，將雞翼和炆雞翼汁一齊煮洋蔥三色椒呀!
謝謝，明白！
回覆刪除請問落幾多豆豉粒？
回覆刪除隨個人喜好，我竟落咗2茶匙呀!
刪除