行山~屯門徑

今日約咗大伯、大伯娘、姑奶、Amy、老公和我，

一行6人齊齊行屯門徑。

搭輕鐵614號車去景峰站落車，

行去怡樂花園旁邊樓梯，

出發行去置樂。

呢段屯門徑，

人哋行1個鐘左右，

我哋就行咗差不多2個鐘，

因為上樓梯我要行下抖下，

唔心急得呀!

好彩大家都好體諒我呀!

由景峰慢慢行樓梯上山頂，

行下抖下，

終於行到若夢園喇!

之後就有條分叉路，

一邊行去何福堂，

上樓梯就行去藍地水塘。

行到打卡熱點"彩虹欄杆"，

呢度風景真係好靚呀!

我哋係度影咗一陣相之後，

就開始落山啦!

沿途見有人係度攞山水，

全部自備大水樽，

抬落山呀!

行落置樂後，

我哋同大伯大伯娘去飲茶，

食咗$336，

行咗一陣置樂就返屋企喇!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page