瑤柱扒豆苗

屋企樓下菜檔賣嘅豆苗好靚，

條條都係豆胚冇莖架!

冬至時賣$40斤，

今日就賣$28斤，

見唔貴買咗1斤返屋企，

浸咗幾粒瑤柱嚟煮咗呢碟瑤柱扒豆苗喇!

材料: 豆苗1斤、瑤柱8粒、蒜蓉、薑汁、紹酒

調味: 蠔油1湯匙、糖1茶匙、老抽幾滴、鹽少許

做法: 瑤柱沖洗後，用大半碗水浸2小時後，將整碗瑤柱連水，

放入熱水鑊內蒸20分鐘後拆絲備用(記得留起D瑤柱水呀)；

將瑤柱絲連水放入小鍋內煮滾，加入調味煮滾後，落生粉水埋芡汁備用；

燒熱鑊落多少少油，加入蒜蓉和豆苗炒至斷生後，

落薑汁、紹酒、鹽和糖調味後上碟，將瑤柱淋上豆苗面便成。

大家可以入嚟Facebook讚下我新開嘅Fans專頁呀!
 

雀后(添飯)Facebook Fan Page