迎月夜得我哋兩公婆撐枱腳，
簡單炆咗鍋客家南乳蓮藕炆腩肉，
灼多碟油鹽水菜芯，
咁又一餐囉!
明天有咩節目???
姨甥仔亞諾生日，
我哋會去姐姐家開生日會兼慶祝中秋節呀!
材料: 蓮藕1節、木耳2朵、帶皮腩肉$80、豆腐卜9個($5)、南乳半磚(大)、
薑3片、蔥粒、紹酒適量
調味: 豉油大半湯匙、冰糖粒適量、老抽1湯匙
做法: 將帶皮腩肉清洗乾淨後，放入鍋內加水煮滾，
落少許紹酒去腥，撈出腩肉沖洗瀝乾水份切件；豆腐卜用水沖洗後剪半；
木耳浸軟切件；蓮藕去皮切片；南乳用半湯匙紹酒搓勻；
燒熱油鑊，落薑片和南乳爆香，加入腩肉快炒數十下後，
落蓮藕、木耳、調味和熱水3碗，用大火煮滾後，
再轉細火炆45分鐘，加埋豆腐卜再煮多10分鐘，最後灑上蔥粒便成。
大家可以入嚟Facebook讚下我新開嘅Fans專頁呀!
中秋節快樂🥮
回覆刪除