黑椒茄子洋蔥燴豬扒(健康版)

今日煮咗呢碟健康版黑椒茄子洋蔥燴豬扒；

茄子唔落油炸改用先蒸後煮，

豬扒就用半煎焗方法，

食落茄子和豬扒都冇咁油膩；

人老咗，

就要開始食得健康呀!

材料: 梅頭豬扒3件、茄子3條(幼身)、洋蔥半個、蒜蓉、蔥粒

醃料: 豉油1湯匙、糖1茶匙、鹽半茶匙、生粉1茶匙、麻油少許

調味: 黑椒汁1湯匙、糖1茶匙、黑椒碎適量、水3湯匙

做法: 梅頭豬扒解凍後，用刀背略剁兩面後切件，落醃料醃1小時；

茄子滾刀切件，將茄子放入盆內加入少許鹽和白醋浸15分鐘；洋蔥切絲；

將茄子撈起瀝乾水份，放入熱水鑊內蒸5分鐘；

燒熱油鑊煎豬扒至熟後，加入蒜蓉和洋蔥炒勻，落調味煮至汁濃後，

加埋蒸好的茄子撈勻後灑上蔥粒便成。

~如汁多可以加少許生粉水埋芡汁。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page