南乳蓮藕木耳豆腐卜炆排骨

呢排街市買嘅蓮藕好瘦弱，

唔粉又唔起絲，

用嚟炒就最啱喇!

但我已經買咗豆腐卜和排骨，

所以都係用嚟炆算囉!

靜靜話俾大家知，

豆腐卜係呢個餸嘅主要食材，

靈魂首選呀!

因為佢索哂D南乳汁，

食落好juice，

超正呀!

材料: 蓮藕2小節、木耳1朵、腩排$50、豆腐卜$5、南乳半磚(大)、

冰糖1湯匙、紹酒半湯匙、薑3片、老抽適量(可以唔落)

醃料: 豉油1湯匙、鹽半茶匙、糖1茶匙、生粉1茶匙、麻油少許

做法: 腩排洗淨後用廚紙索乾水份，落用醃料醃30分鐘；

木耳浸軟切片；蓮藕去皮切件；南乳用半湯匙紹酒搓勻；豆卜剪半；

燒熱油鑊，落薑片和南乳爆香，加入腩排快炒數十下後，

落蓮藕、木耳、冰糖和熱水3碗，用大火煮滾後，再轉細火炆1小時後，

加豆腐卜再炆多5分鐘左右，落少許老抽調色和生粉水埋芡汁便成。

大家可以入嚟Facebook讚下我新開嘅Fans專頁呀!

雀后(添飯)Facebook Fan Page