其實之前好鐘意用利川咖哩醬嚟煮餸的，
但自從各大超市和街市雜貨舖，
都唔見有呢個牌子咖哩醬賣後，
我唯有改用其他品牌嘅咖哩醬啦!
好彩係教我整麵包嘅Miss幫我係牛頭角搵到呢款咖哩醬，
仲幫我買咗2樽添!
呢款咖哩醬香而帶有微辣(個人口味)，
煮起咖哩特別香濃架!
就連唔食得辣嘅老公都話好味道呀!
呢個餸真係可以添多幾碗飯架!
材料: 雞扒2塊、薯仔1個(大)、洋蔥1個、老抽少許(調色用)、薑蓉、蒜蓉
醃料: 豉油1湯匙、鹽半茶匙、糖1茶匙、生粉1茶匙、麻油少許
調味: 咖哩醬1.5湯匙、鹽少許、糖1茶匙
做法: 雞扒解凍後切大件，落醃料和薑蓉醃1小時；薯仔和洋蔥去皮後切件；
燒熱油鑊落雞扒(雞皮向下)煎兩面至7成熟後盛起；
原鑊落蒜蓉、咖哩醬和洋蔥爆香，加入薯仔粒和水1碗先炆8分鐘，
落埋雞扒再炆多5分鐘或至汁濃後，
加少許老抽(調色)和落適量鹽、糖調味後，最後落生粉水埋芡汁便成。
我上次用呢個醬整豬皮魚蛋好好味呀!
回覆刪除係呀，呢款咖哩醬煮肉類和煮豬皮蘿蔔魚蛋，都一樣咁惹味呀!
刪除