今朝偷懶冇去做運動，
哈哈，
咁就行遠少少村隔離村買餸啦!
雖然行去隔離村唔係好遠，
但一來一回都用咗成個鐘頭嚟買餸架!
今日買咗唔少肉和菜，
仲買埋材料嚟煲湯，
見到D橙又大又靚，
又唔抵得買咗幾個，
每樣少少都拎到死死下呀!
材料: 新鮮淮山2條、粟米1條、紅蘿蔔1條、栗子12粒、排骨頭$60、
瑤柱6粒、蜜棗3粒、鹽適量
做法: 新鮮淮山去皮滾刀切件；粟米、紅蘿蔔去皮切件；栗子去皮；
排骨頭出水後，落1茶匙鹽醃半日；
燒熱水加所有材料(除鮮淮山外)煲滾後，轉小火繼續煲45分鐘，
加入鮮淮山煲多45分鐘，最後加鹽調味便成。
科學分析，淮山營養的最大特點是含有大量的粘蛋白，粘蛋白是一種多糖蛋白質的混合物，對人體具有特殊的保健作用，能防止脂肪沉積在心血管上，保持血管彈性，阻止動脈粥樣硬化過早發生；可減少皮下脂肪，因此有減肥作用；能防止結締組織的萎縮，故能預防類風濕關節炎、硬皮病等膠原病的發生。(網上資料)
大家可以入嚟Facebook讚下我新開嘅Fans專頁呀!
阿E今日見到你個湯，佢話睇見材料就知好甜。
回覆刪除甜呀，個湯真係好清甜。
刪除