奶油雲腿津白

買咗舊雲腿，

緊係要用嚟整奶油津白啦!

今次我用咗肥肥的大白菜嚟煮呢個餸，

唔用大白菜，

可以改用長津白、娃娃菜或旺菜煮都得架!

講咁多，

其實全部菜都係同一品種嚟架!

材料: 大白菜1個、金華火腿適量、清雞湯250ml、鮮奶大半碗、蒜蓉、薑3片

做法: 大白菜切頭後逐塊撕開洗淨；金華火腿切絲略浸沖洗；

燒熱油鑊落金華火腿、蒜蓉和薑片爆香，加入大白菜和清雞湯，

煮至大白菜軟身後，落埋鮮奶煮滾後，先夾起大白菜舖在碟上，

再煮滾奶油汁後，加少許生粉水埋芡汁，

最後將奶油汁和雲腿絲淋在大白菜面便成。

~呢個餸我一粒鹽都唔冇落，因為D雲腿和雞湯已經夠哂咸啦!

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page